ԵՐԵՎԱՆ, 15 փետրվարի — Sputnik. Հայաստանը ՖԻՖԱ-ի նոր վարկանիշում 91-րդ տեղում է։ Այս մասին նշված է կազմակերպության կայքում։ Նախորդ վարկանիշի համեմատ` Հայաստանի հավաքականն իր դիրքը զիջել է մեկ հորիզոնականով և տեղավորվել Կանադայի, Սալվադորի (կիսում են 89-90-րդ տեղերը) և Կիպրոսի մեջտեղում (92-րդ)։
Վարկանիշի առաջատարը Գերմանիան է, երկրորդ հորիզոնականում` Բրազիլիան, որին հաջորդում է Պորտուգալիան։ Մինչև 17-րդ հորիզոնականը ներառյալ փոփոխություն չի եղել։
Լավագույն ցուցանիշը գրանցել է Կոնգոն, որը նախորդ վարկանիշի համեմատ դիրքը բարելավել է 8 հորիզոնականով և հայտնվել 88-րդ տեղում` Հայաստանին «իջեցնելով» մեկ հորիզոնականով։
Հայաստանի հարևան Իրանը 33-րդ հորիզոնականում է, Վրաստանը` 100-րդ, Ադրբեջանը` 119-րդ։
