ԵՐԵՎԱՆ, 13 փետրվարի — Sputnik. Ժամը 19:40-ի սահմաններում Երևանի բնակիչ 55-ամյա Մարտուն Եղիազարյանը Եղվարդի խճուղում՝ «Բադեն-Բադեն» հյուրանոցի հարևանությամբ, իր վարած BMW մակնիշի ավտոմեքենայով վրաերթի է ենթարկել հետիոտներ` 60-ամյա Աիդա Սերեքերիմյանին և 56-ամյա Զառա Սարգսյանին: Այս մասին տեղեկացնում է shamshyan.com կայքը։
Ըստ կայքի տեղեկատվության` վարորդն օգնել է վրաերթի ենթարկվածներին տեղափոխել «Արմենիա» բժշկական կենտրոն։ Բարեբախտաբար, նրանց կյանքին վտանգ չի սպառնում։ Ինչպես նշել են բժիշկները, տուժածների վիճակը կայուն ծանր է։
Դեպքի վայրում հավաքված ականատեսները ոստիկաններին պատմել են, որ վրաերթի ենթարկվածները փողոցը անցնելիս են եղել չթույլատրված հատվածով, ու եթե վարորդը գերազանցած լիներ սահմանված արագությունը, հնարավոր է՝ վրաերթը ողբերգական ավարտ ունենար:
