ԵՐԵՎԱՆ, 12 փետրվարի — Sputnik. Մի-8 ուղղաթիռը կոշտ վայրէջք է կատարել Տոմսկի մոտ, որից հետո այրվել է։ Այդ մասին հաղորդում է Mash ալիքը։
Ուղղաթիռի չվերթը սովորական չի եղել։ Մի-8-ով առաջիկա հիվանդանոց էին տեղափոխում 45 տարեկան մի կնոջ։ Mash-ի տվյալներով` հիվանդը երեկ աֆեկտի վիճակում այրել է իր տունը։ Տունը վառվել է, իսկ կինը չի տուժել։
Այդ կինը փրկվել է նաև ավիաաղետից։ Ուղղաթիռում եղել են վեց հոգի` բուժջոկատը, հիվանդը և անձնակազմը։
Վթարային վայրէջքի ժամանակ մահացել են ուղղաթիռի օդաչուներ Շեպելևը և Մեսյաչկոն։ Նրանց մարմինները գտել են բեկորների տակ։ Եվս չորս հոգի վիրավորվել է։
Նրանք մեկնում էին առաջիկա Ստրեժևոյ քաղաք, ուղղաթիռը վթարվել է վայրէջքից 20 կմ առաջ։
