ԵՐԵՎԱՆ, 11 փետրվարի — Sputnik. Հայաստանում ջերմաստիճանն այսօր կբարձրանա 4-6 աստիճանով։ Այս մասին տեղեկացնում է «Հիդրոմետ» ծառայությունը։
«11-12-ն առանձին շրջաններում, 13-ին՝ օրվա երկրորդ կեսին, 14-ին շրջանների զգալի մասում ժամանակ առ ժամանակ տեղումներ կլինեն»,- նախազգուշացնում է ծառայությունը:
Մասնավորապես փետրվարի 11-12-ը մայրաքաղաքի առանձին հատվածներում թույլ և կարճատև անձրև է կանխատեսվում, 13-ին՝ օրվա երկրորդ կեսին, 14-ին նույնպես ժամանակ առ ժամանակ տեղումներ կլինեն անձրևի տեսքով: Օդերևութաբանները խորհուրդ են տալիս այդ օրերին տանից դուրս գալիս չմոռանալ հովանոցը։ Փետրվարի 15-ին ամպամածությունը կփոխարինվի առանց տեղումների եղանակով։
Սյունիքում օդի ջերմաստիճանը ցերեկային ժամերին կբարձրանա մինչև 14-18 աստիճան, Արարատի և Արմավիրի շրջաններում, Վայոց Ձորում, Արցախի Հանրապետությունում մինչև 16 աստիճան տաքություն է կանխատեսվում։
