ԵՐԵՎԱՆ, 10 փետրվարի — Sputnik. Երգչուհի և պարուհի Վարդան Instagram-ի իր էջում լուսանկարներ է հրապարակել և ««կենցաղային» որոշ գաղտնիքներ պատմել։
Նրա երկրպագուները չեն կարողացել անտարբերության մատնել Վարդայի հրապարակած լուսանկարները, որոնց կից նա նաև պատմել է, թե երբ է ինքը զբաղվում տան մաքրությամբ։
«Ամեն ուրբաթ գալիս է տնային գործերով օգնականս։ Եվ ես, չգիտես ինչու, նրա գալուց առաջ սկսում եմ կարգի բերել տունս։ Իսկ երեկ հոգնած եկա տուն ու պառկեցի քնելու։ Առավոտյան հենց արթնացա, որոշեցի պանրակարկանդակ պատրաստել։ Մի կույտ ամաններ կեղտոտեցի, ինձ մխիթարեցի, որ շուտով կգա օգնականս»,- գրել է Վարդան։
Բայց ուրախությունը երկար չի տևել, որովհետև կինը հիվանդացել ու չի եկել։
«Այսպես է միշտ։ Հենց թուլանում ես ու մտածում, որ «կեղտոտ» գործը քո փոխարեն մեկ ուրիշը կանի, ստիպված ես լինում ինքդ ամեն ինչ անել։ Եվ դա միայն կեղտոտ ամանեղենին չի վերաբերում… Միշտ պետք է տոնուսի մեջ լինես»,- անկեղծացել է պարուհին։
Pol-dance-ի աստղի բաժանորդները միանգամից սկսել են սփոփել նրան` ասելով, որ կյանքում ամեն ինչ կորած չէ։
Վարդան ծնվել է 1985թ.-ի մարտի 3-ին բազմազավակ ընտանիքում։ Նա 2 բարձրագույն կրթություն ունի` մասսայական միջոցառումների ռեժիսորի ու ֆիզկուլտուրայի ուսուցչի և մարզչի։ Կարիերայի ընթացքում Վարդան կարողացել է շատ տիտղոսներ և մրցանակներ շահել` ելույթ ունենալով «Սև հրեշտակ» բեմական անունով։
