ԵՐԵՎԱՆ, 9 փետրվարի — Sputnik. Այսօր՝ փետրվարի 9-ին, խոշոր հրդեհ է բռնկել Երևանում։ Ժամը 01։30-ի սահմանում Արտակարգ իրավիճակների նախարարության Փրկարար ծառայության օպերատիվ կառավարման կենտրոնն ահազանգ է ստացել, որ Էրեբունի վարչական շրջանի Քրիստափորի փողոցի 3-րդ նրբանցքի թիվ 9 տանը հրդեհ է բռնկել։
Ինչպես հայտնում է shamshyan.com-ը, փրկարարները վառվող տան հարևանությամբ բնակվող քաղաքացիների օգնությամբ տանից դուրս են բերել 63-ամյա Աշոտ Ս.-ին։
Երևանի 1-03 շտապօգնության հերթապահ խումբը նրան տեղափոխել է թիվ 1 համալսարանական հիվանդանոց, որտեղ բժիշկները տեղում անհրաժեշտ բուժօգնություն են ցուցաբերել, այնուհետև նրան տեղափոխել են Ճառագայթային բժշկության և այրվածքների գիտական կենտրոն։
Գիտական կենտրոնում տուժած Աշոտ Ա.-ի վիճակը գնահատում են ծայրահեղ ծանր։
Հրշեջները մի քանի ժամ պայքարել են կրակի տարածման դեմ։
