Իրականում մենք խորհրդարանական մոդելի չենք անցնում, վստահեցրեց Գևորգ Գորգիսյանը։
«Ամեն ինչ արված է, որ լրջագույն լծակները մնան վարչապետի ձեռքում»,- ասաց նա։
Պատգամավորը հիշեցրեց, որ անգամ կառավարության նիստում քննարկված հարցերի մասին տեղեկատվությունն ապրիլից լրագրողներին տրամադրվելու է բացառապես վարչապետի թույլտվությամբ։
«Շատ ու շատ նիստերից հետո հանրությունը որևէ տեղեկություն չի ունենա, թե ինչ է այնտեղ քննարկվել։ Օրենքի մակարդակով նախարարներին արգելվում է հասարակությանը որևէ տեղեկատվություն տալ կամ հրապարակային ելույթում հայտնել տեսակետ, որը հակասում է կառավարության ընդունած ծրագրային գծին»,- ասաց նա։
Գևորգ Գորգիսյանը մտավախություն ունի, որ այս մոդելով Հայաստանը գնում է դեպի տոտալիտարիզմ։ Նա ընդգծեց` այս մոդելով մեկ էլ Հյուսիսային Կորեայում են աշխատում։
