ԵՐԵՎԱՆ, 9 փետրվարի — Sputnik. ՌԴ Բելգորոդյան մարզում ռուս սահմանապահները ձերբակալել են Հայաստանի և Ադրբեջանի քաղաքացիներին, որոնք փորձել են Ռուսաստանի պետական սահմանը հատել անօրինական ճանապարհով։ Այս մասին հայտնում է Ռուսաստանի Անվտանգության դաշնային ծառայության Բելգորոդյան և Վորոնեժյան մարզերի սահմանապահ վարչության մամուլի ծառայությունը։
Տղամարդկանց ձերբակալել են պետական սահմանը հատելուց հետո։
Պարզվել է, որ ձերբակալվածները Բաքվի և Երևանի բնակիչներ են։ Նրանք եկել են Խարկովից, չեն կարողացել օրինական կերպով մտնել Ռուսաստան, քանի որ նրանց արգելված է մուտք գործել ՌԴ տարածք։
Ձերբակալվածները Խարկովում գտել են ուղեկցորդի, որը 1000-ական դոլար ստանալու դիմաց խոստացել է օգնել նրանք։ Խարկովցին Անդրկովկասի բնակիչներին հասցրել է մինչև սահման, ցույց տվել տեղաշարժվելու ճանապարհը, վերցրել գումարը և հեռացել։ Սահմանախախտները հատել են սահմանը և ընկել ռուս սահմանապահների ձեռքը։