ԵՐԵՎԱՆ, 8 փետրվարի — Sputnik. Ռուսաստանի Դաշնության նախագահ Վլադիմիր Պուտինը սմարթֆոն չունի։ Երկրի ղեկավարն այդ խոստովանությունն արել է այսօր Նովոսիբիրսկում` ելույթ ունենալով Գիտության և կրթության խորհրդի նիստում։
Պատասխանելով Գիտությունների ազգային ակադեմիայի թղթակից անդամ Միխայիլ Կովալչուկի ասածին` Վլադիմիր Պուտինը սեփականն օրինակով ուղղել է գիտնականի ասածը։ Կովալչուկն ասել է` այսօր բոլորը սմարթֆոն ունեն, որի մեկ ձայնային հաղորդագրությունը մշակելու համար անհրաժեշտ է այնքան էներգիա, որքան մեկ լիտր ջուր եռացնելու համար։
«Միխայիլ Վալենտինովիչ, դուք ասացիք, որ բոլորը սմարթֆոն ունեն։ Իսկ ես սմարթֆոն չունեմ, դուք էլ չունեք։ Իսկ ասում եք` բոլորն ունեն»,- նշել է Պուտինը։
Հիշեցնենք, որ 2017 թվականին Պուտինի ձեռքում սմարթֆոն էին նկատել, որը եղել էր ՌԴ տնտեսական զարգացման նախարար Մաքսիմ Օրեշկինի iPhone-ը։
