ԵՐԵՎԱՆ, 6 փետրվարի — Sputnik. ՀՀ ֆինանսների նախարար Վարդան Արամյանը փետրվարի 5-ին ընդունել է «Մուդիս» վարկանիշային կազմակերպության վերլուծաբաններին, որոնք Հայաստան էին ժամանել Հայաստանի սուվերեն վարկանիշի վերանայման նպատակով: Այս մասին հայտնում է ՀՀ ֆինանսների նախարարության մամուլի ծառայությունը։
Հանդիպման շրջանակում նախարար Արամյանն անդրադարձել է ՀՀ վերջին մակրոտնտեսական զարգացումներին, ծրագրային բյուջետավորման հարցերին, ներկայացրել հարկաբյուջետային կանոնների վերանայման, գնումների, հարկային քաղաքականության, հաշվապահական հաշվառման և ներքին աուդիտի ոլորտներում նախաձեռնված բարեփոխումները:
Վերլուծաբանների բարձրացրած հարցերին նախարարը սպառիչ պատասխաններ է տվել:
