ԵՐԵՎԱՆ, 3 փետրվարի — Sputnik. «Վերջին օրերին «Աստղիկ» ԲԿ-ն բավական լուրջ խորամանկության է դիմում սոցփաթեթի շահառուներին իր հիվանդանոց հրավիրելու համար: Այս մասին գրում է «Ժամանակ» թերթը։
«Հայտնի է, որ սոցփաթեթի շահառուն ինքն է ընտրում, թե որ ԲԿ-ում բուժզննում անցնի, սակայն շահառուներից մեզ պատմեցին, որ «Աստղիկ» ԲԿ-ից զանգահարում են և ներկայանում առողջապահության նախարարության աշխատակից ու հայտնում, որ պետք է սոցփաթեթի շրջանակում բուժզննում անցնել «Աստղիկ» ԲԿ-ում»,- նշված է հոդվածում:
Թերթը եզրակացնում է, որ առողջապահության նախարարությունը կա՛մ համագործակցում է գործարար, ՀՀԿ-ական պատգամավոր Սամվել Ալեքսանյանի հետ, կա՛մ վերջինիս բժշկական կենտրոնը ինքնագործունեությամբ է զբաղվում»:
