ԵՐԵՎԱՆ, 3 փետրվարի — Sputnik. Այսօր առավոտյան Իտալիայի Մաչերատա քաղաքում անհայտ անձը Alfa Romeo 147 մակնիշի սև գույնի ավտոմեքենայից կրակ է բացել անցորդների ուղղությամբ, հայտնում է Daily Mail-ը: Նշվում է, որ նախնական տվյալով` 6 մարդ է տուժել:
Աղբյուրի տվյալով` կրակ բացած անձը շրջել է քաղաքում և անկանոն կրակոցներ արձակել անցորդների ուղղությամբ:
Il presunto responsabile delle sparatoria di #Macerata è stato bloccato in piazza della Vittoria, dinanzi al Monumento ai Caduti. pic.twitter.com/nWtdofPzcN
— Francesco Di Giuseppe (@FraDiGiuseppe) 3 февраля 2018 г.
Հանցագործին բռնելու համար ոստիկանական ուժեր են ներգրավվել, ուսումնասիրվում են տեսանկարահանող սարքերի ձայնագրությունները: Մաչերատայի քաղաքապետը Twitter-ի միջոցով հորդորել է մարդկանց տնից դուրս չգալ, մինչև հանցագործին չհայտնաբերեն:
Որոշ տվյալներով` կրակողները երկուսն են եղել:
Մաչերատան Մարկե մարզի նույնանուն գավառի վարչական կենտրոնն է, գտնվում է երկրի կենտրոնական հատվածի արևելքում:
