ԵՐԵՎԱՆ, 2 փետրվարի — Sputnik. Հանրապետության տարածքում` փետրվարի 2-6-ը սպասվում է առանց տեղումների եղանակ:
Այս մասին տեղեկացնում է ՀՀ ԱԻՆ մամուլի ծառայությունը։
Օդի ջերմաստիճանը փետրվարի 2-5-ը, փետրվարի 1–ի համեմատ, աստիճանաբար կբարձրանա 6-8 աստիճանով: Քամին՝ հարավ-արևմտյան՝ 3-8 մ/վ արագությամբ:
Երևան քաղաքում փետրվարի 2-6-ը սպասվում է առանց տեղումների եղանակ: Ցերեկները սպասվում է 8–ից 12 աստիճան տաքություն, գիշերները օդի ջերմաստիճանը կտատանվի 0–ից —3–ի շրջակայքում։
