ԵՐԵՎԱՆ, 31 հունվարի — Sputnik. Հայկական արմատներով հայտնի երգչուհի և պարուհի Վարդան (Վարդանուշ Մարտիրոսյան)` pol-dance–ի աշխարհի չեմպիոնը, Instagram–ի իր էջում դժվար խորհրդային անցյալի մասին է պատմել` որպես «Նոու գլամուր» խորագրի շարունակություն։
«Այդ լուսանկարում ես քրոջս ու ընկերուհիներիս հետ եմ, լուսանկարն արվել է մարտի 3–ին, այն բնակարանում, որտեղ մեծացել եմ. այդ օրն իմ տաս տարին էր լրանում։ Եթե ուշադիր նայեք, ձախ անկյունում երկու կարի մեքենա կնկատեք, հենց դրանց շնորհիվ ես ու մայրս ուտելու բան ունեինք (հագիս կիսաշրջազգեստը մայրս էր կարել, շապիկս` ինքս էի կարել)։ Անկողնուս վերևում իմ լուսանկարն է, որի տակ վառ գնապիտակներով իմ անուն էին գրել։ Լուսանկարում ես ու ընկերուհիներիս նստած ենք բեմի վերածած սեղանի վրա, որի վրա ես պարապում էի` մարտի 8–ին նվիրված դպրոցական համերգին մասնակցելու համար», – լուսանկարը մեկնաբանել է Վարդան։
Նրա խոսքով` մայրը մանկուց ոչ միայն կարել է սովորեցրել իրեն, այլ նաև ձևել։ Նրանց տունը շուկայի մոտ էր, հաճախ շորեր վաճառողներն իրենց հաճախորդների ուղարկում էին հագուստը չափը հարմարացնելու կամ տաբատը կարճացնելու համար։ Վարդան միշտ աշխատել է օգնել մորը, որպեսզի աշխատանքն ավելի արագ արվի։ Նա հիշում է, որ որոշ հաճախորդներ մնում էին նրանց տանն ու սպասում էին` երբ է պատվերը պատրաստ լինելու։
«Հնարավոր է` նրանք վախենում էին իրենց նոր հագուստը թողել, քանի որ միայն հիմա նկարին նայելիս հասկացա, ինչքան խղճուկ տեսք ուներ մեր բնակարանը… Երբեմն մարդկանց զբաղեցնում էին` խաղաքարտերի վրա նրանց հնարքներ ցույց տալով, երբեմն նույնիսկ ակրոբատիկ համարներ էի կատարում։ Մարդիկ վերադառնում էին մեզ մոտ` հին բաճկոններն ու սիրելի ջինսերը կարկատելու», – գրել է Վարդան։
Վարդան ծնվել է 1985թ.-ի մարտի 3-ին բազմազավակ ընտանիքում։ Աղջիկը 2 բարձրագույն կրթություն ունի` մասսայական միջոցառումների ռեժիսորի և ֆիզկուլտուրայի ուսուցչի, մարզչի։ Կարիերայի ընթացքում Վարդան կարողացել է շատ տիտղոսներ և մրցանակներ շահել` ելույթ ունենալով «Սև հրեշտակ» բեմական անունով։
