ԵՐԵՎԱՆ, 29 հունվարի — Sputnik. Իշխող ՀՀԿ-ի առաջադրած ՀՀ նախագահի թեկնածու Արմեն Սարգսյանը հանդիպեց ՀՀԿ-ի և ՀՅԴ-ի անդամների հետ։
Նշենք, որ Մեծ Բրիտանիայում Հայաստանի դեսպան Արմեն Սարգսյանին առաջարկել են դառնալ ՀՀԿ-ի նախագահի թեկնածու, նա խոստացել է «մտածել»։
Հանդիպման արդյունքները մեկնաբանեց ՀՀ ԱԺ փոխխոսնակ Արփինե Հովհաննիսյանը։
«Մենք քննարկեցինք նրա տեսլականը։ Ներկայացուցիչներն իրենց հարցերն ուղղեցին նրան», — ասաց Հովհաննիսյանը։
Նա չբացեց փակագծերը` նշելով, որ Սարգսյանն անձամբ այդ մասին խոսելու հնարավորություն կունենա։
ՀՀԿ-ի քուրդ պատգամավոր Կնյազ Հասանովն իր հերթին լրագրողներին հայտնեց, որ Սարգսյանն ազգային փոքրամասնությունների կրթական, մշակութային իրավունքները պաշտպանելու պատրաստակամություն է հայտնել։
«Նա լավ, կրթված անձնավորություն է, միջազգային հարցերի վերաբերյալ պատկերացում ունի», — ասաց Հասանովը։
Հանրապետականների հանդիպումից հետո Սարգսյանը գնաց հանդիպելու դաշնակցականների հետ։
Արմեն Սարգսյանի թեկնածությունն առաջարկել է երկրի ղեկավարը։
