ԵՐԵՎԱՆ, 26 հունվարի — Sputnik. Ազգությամբ հայ Կարպիս Զաքարյանը Թուրքական հանրապետության առաջին բռնցքամարտիկն է։ Asbarez թերթը գրել է մարզիկի մասին։
Թուրքական բռնցքամարտի ապագա աստղը ծնվել է 1930թ-ին Ստամբուլի Շիշլի հայկական թաղամասում։ Թուրքիայում Կարպիսին կոչել են «Երկաթե բռունցք»։
«Զաքարյանը ստիպված էր հինգերորդ դասարանից աշխատել ընտանիքին օգնելու համար։ 14 տարեկանից նրա առաջ բացվել են բռնցքամարտի աշխարհի դռները, 1948թ-ին դարձել է Թուրքիայի չեմպիոն», — գրում է պարբերականը։
Կարպիսը ռինգ է դուրս եկել 251 անգամ, մենամարտել սիրողական և պրոֆեսիոնալ մարտերում։ Ընդամենը երկու անգամ է պարտվել։
1960թ-ից Զաքարյանն աշխատել է որպես պրոֆեսիոնալ մարզիչ։
Հիմա «Երկաթե բռունցքը» 88 տարեկան է, նա կնոջ հետ ապրում է այնտեղ, որտեղ ծնվել է և մեծացել` Շիշլի հայաբնակ թաղամասում։ Լեգենդար մարզիկի կյանքի և գործունեության մասին «Երեք տողան» եկեղեցական հիմնադրամի աջակցությամբ գիրք են գրել Ստամբուլի հայ Արամ Քուրյանը և գրող գրող Էրդեն Աքթօղուն։
Անցած տարի լույս է տեսել Զաքարյանի մասին ևս մի գիրք` «Որտե՞ղ ես, Կարո»։ Գրքի հեղինակ է դարձել թուրք գրող Էմին Թեմելը։
