ԵՐԵՎԱՆ, 26 հունվարի — Sputnik. Հունվարի 26-27-ը հանրապետության շրջանների զգալի մասում, 28-ին Լոռիում, Տավուշում, Սյունիքում և Արցախում ժամանակ առ ժամանակ տեղումներ կլինեն, լեռնային և նախալեռնային գոտիներում՝ ձյան, հովտային գոտիներում՝ թաց ձյան և ձնախառն անձրևի տեսքով։ Այս մասին հայտնում է «Հիդրոմետ» ծառայությունը։
Հունվարի 29-ին և 30-ին առանց տեղումների եղանակ կլինի:
«Օդի ջերմաստիճանը 26-29-ն աստիճանաբար կնվազի 4-5 աստիճանով»,- նշված է հաղորդագրության մեջ։
Երևանում հունվարի 26-27-ը ժամանակ առ ժամանակ թույլ տեղումներ կլինեն: 28-30-ը տեղումների կդադարեն:
Այսօր` հունվարի 26-ին, մայրաքաղաքում օդի ջերմաստիճանը ցերեկային ժամերին կկազմի 4-6 աստիճան տաքություն, գիշերային ժամերին` 0-2 աստիճան ցուրտ։
