ԵՐԵՎԱՆ, 26 հունվարի — Sputnik. Հայաստանում ԳՁՕ-ների առկայությունը ստուգելու պետական մեթոդաբանություն չկա։ Sputnik Արմենիայի թղթակցին այդ մասին ասաց ՀՀ ԳԱԱ Էկոկենտրոնի սննդի շղթայի ռիսկերի գնահատման կենտրոնի ղեկավար Դավիթ Պիպոյանը։
Այսօր «Սննդամթերքի անվտանգության մասին» օրենքի համաձայն` ԳՁՕ-ների առկայությունը պետք է մակնշվի, եթե ապրանքի մեջ դրա քանակությունը գերազանցում է 0,9%-ը։ Սակայն դեռ ոչ ոք չի համաձայնում ստուգել` արտադրողներից ով է խաբում, ով` ոչ։
«Ըստ օրենքի` կառավարությունը պետք է ստուգման մեթոդաբանություն կազմի, բայց մինչ օրս չի արել»,- ասաց Պիպոյանը։
Սննդի անվտանգության պետական ծառայությունում հայտնեցին, որ անհրաժեշտ փոփոխություններ կիրականացնեն 2018 թվականի ընթացքում, և մեթոդաբանությունը կհաստատվի արդեն նոր կանոնները մտցնելուց հետո։
Պետական ծառայությունն այս տարի մտադիր է բուսական արտադրության մեջ աղտոտիչների և ԳՁՕ-ների հանրապետական մոնիտորինգ անցկացնել։ Դրանից հետո հնարավոր կլինի ստուգել ոչ թե բոլոր սննդամթերքները հերթով, այլ միայն կասկածելի սննդամթերքը։
Ավելի վաղ ԵՏՀ-ի խորհուրդը որոշում էր կայացրել, որ 0,9% գենետիկորեն ձևափոխված օրգանիզմ պարունակող ապրանքների վրա անպայման մակնշում պետք է արվի։ Նման մակնշումն այսուհետև պարտադիր է պայման է ԵԱՏՄ-ի շրջանակում արտադրողների համար։
