ԵՐԵՎԱՆ, 25 հունվարի — Sputnik. ՀՀ Արտգործնախարարության մամուլի խոսնակ Տիգրան Բալայանը Twitter-ի իր միկրոբլոգում մեկնաբանություն է թողել անցած գիշեր շփման գծում տեղի ունեցած դիվերսիոն ներթափանցման փորձի վերաբերյալ։
«Բաքուն փորձում է կոմպենսացնել միջազգային ասպարեզում ունեցած դիվանագիտական ձախողումները և շեղել ուշադրությունը` Ադրբեջանում տեղի ունեցող մարդու իրավունքների ու հիմնարար ազատությունների խախտումներից՝ սադրանքներ հրահրելով շփման գծում: Չի ստացվելու»,- գրել է Հայաստանի ԱԳՆ մամուլի խոսնակ Տիգրան Բալայանը:
#Baku tries compensate its failures in diplomacy & on international stage, deviate the attention from abuse of #humanrights & fundamental #freedoms in #Azerbaijan, by staging provocations on the line of contact. No pasaran! https://t.co/rHyWAYJJc8 pic.twitter.com/8TbtGfXWkc
— Tigran Balayan (@tbalayan) 25 января 2018 г.
Հիշեցնենք, որ այսօր՝ հունվարի 25-ի գիշերը՝ ժամը 02:00-ի սահմաններում, արցախա-ադրբեջանական հակամարտ զորքերի շփման գծի հարավարևելյան (Կուրոպատկինո) ուղղությամբ տեղակայված հայկական դիրքերից մեկի պաշտպանական հատվածում ՊԲ առաջապահ ուժերի կողմից հավաստանշվել է հակառակորդի հետախուզադիվերսիոն խմբի ներթափանցման փորձ:
Ձեռնարկված կանխարգելիչ գործողությունների արդյունքում ադրբեջանական հատուկ ջոկատայինները հետ են շպրտվել: Ըստ նախնական տվյալների՝ հակառակորդի կողմից կան կորուստներ: Մանրամասները ճշտվում են:
