ԵՐԵՎԱՆ, 23 հունվարի — Sputnik. 2018թ-ից վառելիքի հարկերն աճել են, իսկ հասարակական տրանսպորտի հարկերը` նվազել, այսօր ԱԺ-ում գնաճի վերաբերյալ լսումների ժամանակ հայտարարեց ՊԵԿ փոխնախագահ Վախթանգ Միրումյանը։
Լսումները կազմակերպել էր ԱԺ տնտեսական հարցերի մշտական հանձնաժողովը` կապված ակցիզի պատճառով (10-15 տոկոսով) վառելիքի (բենզին, դիզել, գազ) գների աճի և կարագի ու մսի շուկայի տատանումների հետ։
Աճել են բենզինի, դիզելի և սեղմված գազի հարկերը, բայց բենզինով աշխատող բեռնատարներն ապրանքներ գրեթե չեն տեղափոխում։ Բենզինով մեքենաները լիցքավորում են հիմնականում ունևոր քաղաքացիները, ուստի դա չի կարող ազդել սպառողական գների վրա։
Մեքենաները հիմնականում աշխատում են սեղմված գազով, բայց այստեղ առաջին հերթին կնվազի հասարակական տրանսպորտի հարկը, երկրորդ` նվազել է աշխատավարձի հարկը։ Ավելի քան 279 հազար դրամ աշխատավարձերի համար հարկը կավելանա։ Բայց Հայաստանում նման աշխատավարձ ստանում է 10 աշխատողից մեկը։ Մյուս 9-ի գրպանում ավելի շատ փող կմնա, այդ թվում` գազի համար։
Մասնավորապես, 150 հազար դրամ աշխատավարձի հարկը կնվազի 2600 դրամով, իսկ այդ փողով կարելի է լիցքավորել 13 խորանարդ մետր ծավալով սեղմված գազի բալոնը։
Ինչ վերաբերում է հասարակական տրանսպորտին, ապա 2018թ-ից Հայաստանում տրանսպորտի հարկը (արտոնագրային վճարումներ) կնվազի 22 տոկոսով։ Դա կօգնի երթուղային տաքսիներին փոխհատուցել գազի գնաճը, իսկ ավտոբուսներին` դիզելի։
