ԵՐԵՎԱՆ, 22 հունվարի — Sputnik. Հանրապետության տարածքում հունվարի 22-23-ը սպասվում է առանց տեղումների եղանակ: Հունվարի 24-26-ը շրջանների զգալի մասում ժամանակ առ ժամանակ սպասվում են տեղումներ, առանձին վայրերում քամու ուժգնացում՝ 15-20 մ/վ արագությամբ: Այս մասին տեղեկացնում է ՀՀ ԱԻՆ մամուլի ծառայությունը:
Օդի ջերմաստիճանն էապես չի փոխվի: Քամին՝ հարավային՝ 3-8 մ/վ արագությամբ:
Երևան քաղաքում հունվարի 22-23-ը սպասվում է առանց տեղումների եղանակ: Հունվարի 24-26-ը ժամանակ առ ժամանակ սպասվում են տեղումներ:
Առաջիկա օրերին Երևանում օդի ջերմաստիճանը ցերեկը կտատանվի +7-ից +12-ի շրջակայքում, գիշերը կգրանցվի —2-ից մինչև 3 աստիճան տաքություն:
