«Եթե դատավարության որևէ մասնակցին դատարանի օրինական կարգադրություններին չենթարկվելու, կարգը խախտելու դեպքում կարող է տուգանել անմիջականորեն դատարանը, ապա փաստաբանների և դատախազների համար, հաշվի առնելով նրանց հասարակական և իրավական կարգավիճակը, հետևյալ արտոնությունն էր սահմանված՝ նրանց նկատմամբ նախազգուշացում էր կիրառվում»,- ասաց Խալաթյանը:
Նրա խոսքով` հետագայում ավելի լուրջ խախտումների դեպքում դատարանն իրավունք ուներ դիմելու փաստաբանների պալատին՝ խնդրելով դիտարկել տվյալ փաստաբանին կարգապահական պատասխանատվության ենթարկելու հարցը:
Իսկ առաջարկվող իրավակարգավորմամբ նախատեսվում է տուգանք կիրառելու լիազորությունը վերապահել դատարանին՝ հանձին դատավորի»:
Ըստ նրա՝ փաստաբանական համայնքը ներկայացնող կառույցի կողմից այդ համայնքի ներկայացուցիչներին կարգապահական պատասխանատվության ենթարկելը պալատի ինքնակառավարման, անկախության կարևոր երաշխիքներից է, իսկ հիմա ուզում են տուգանք կիրառելու լիազորությունը նրանցից վերցնել և տալ դատարանին` ի դեմս դատավորի։
