ԵՐԵՎԱՆ, 19 հունվարի — Sputnik. Հայաստանի հավաքականի կիսապաշտպան Հենրիխ Մխիթարյանը հունվարի 19-ին հրաժեշտ է տվել «Մանչեսթեր Յունայթեդի» ֆուտբոլիստներին և հեռացել մանչեսթերյան թիմակիցներից։ Այս մասին հայտնում է dailymail-ը:
«Ցավալի է, որ Մխիթարյանը հեռանում է: Նրան շատ էին սիրում «Յունայթեդում»: Մենք գիտենք, որ նա ուրախ չէ այս գործարքի ընթացքից, բայց նաև հասկանում է, որ «Արսենալում» կարող է ավելի շատ խաղալ»,- պարբերականին ասել է «Մանչեսթեր Յունայթեդի» աղբյուրը։
Հիշեցնենք` մի քանի օր առաջ բրիտանական լրատվամիջոցները հայտնեցին, որ Հենրիխը համաձայնեցրել է անհատական գործարքի պայմանները` փաստացիորեն համաձայնելով «Արսենալ» անցնել։
Henrikh Mkhitaryan bid a tearful farewell to his Manchester United team-mates and club staff at Carrington today as his swap deal with Arsenal’s Alexis Sánchez moved a step closer. (Source: Daily Mail) pic.twitter.com/InBWvgmdYz
— Transfer News Live (@DeadlineDayLive) 19 января 2018 г.
Հայ ֆուտբոլիստի գործակալ Մինո Ռայոլան հունվարի 18-ին Լոնդոն է մեկնել` Մխիթարյանի «Արսենալ» անցնելու բանակցություններն ավարտելու նպատակով։
«Արսենալի» գլխավոր մարզիչ Արսեն Վենգերն իր հերթին հայտնել էր, որ Մխիթարյանի աշխատավարձը խնդիր չէ։ Ավելի վաղ խոսվում է ր, որ կողմերը չեն կարողանում համաձայնության գալ հայ կիսապաշտպանի անհատական գործարքի շուրջ։
Հենրիխ Մխիթարյանը լոնդոնյան ակումբի չիլիացի կիսապաշտպան Ալեքսիս Սանչեսի` «Մանչեսթեր Յունայթեդ» տեղափոխվելու գործարքի մի մասն է դարձել։
Նախնական տվյալների համաձայն` Մխիթարյանը «Արսենալում» շաբաթական 130 հազար ֆունտ ստեռլինգ է ստանալու` գումարած բոնուսները։ Գործարքը չորս տարի ժամկետով է կնքվել։
