ԵՐԵՎԱՆ, 18 հունվարի — Sputnik. Թուրքիայի ԱԳՆ ղեկավարի հայտարարությունը Հայոց ցեղասպանության մասին ոչ այլ ինչ է, քան բացահայտ ցինիզմ, հինգշաբթի լրագրողներին ասաց Հայաստանի խորհրդարանի փոխխոսնակ Էդուարդ Շարմազանովը։
Օրերս, ելույթ ունենալով Կանադայում, Թուրքիայի արտգործնախարար Մևլութ Չավուշօղլուն հերթական անգամ կրկնել է Անկարայի պաշտոնական դիրքորոշումը` հարցը պետք է թողնել պատմաբաններին։
«Ինչպես ասում էր Օսկար Ուայլդը, ցինիզմը խոսում է արժեքների բացակայության մասին», – ասաց Շարմազանովը։
Հենց այդ պատճառով, ինչպես եզրափակեց փոխխոսնակը, Հայաստանը պետք է շարունակի պայքարը Թուրքիայի ժխտման քաղաքականության միջազգային դատապարտման համար։
