ԵՐԵՎԱՆ, 17 հունվարի — Sputnik. Դատարանի որոշմամբ լուդոման (մոլեխաղերից կախում ունեցող) ճանաչված անձանց մուտքը խաղատուն կսահմանափակվի։
«Շահումով խաղերի և խաղատների մասին» օրենքի փոփոխությունների համապատասխան նախագիծն առաջին (ոչ վերջնական) ընթերցմամբ միաձայն ընդունեց ՀՀ խորհրդարանը։ Նախագծի հեղինակները «Ելք» ընդդիմադիր դաշինքի պատգամավորներն են։
Եթե դատարանը ճանաչի, որը մարդու` մոլեխաղերի նկատմամբ կախվածությունը վտանգավոր է նրա ընտանիքի համար, հանրապետության բոլոր խաղատներին կզգուշացնեն, որ այդ մարդու մուտքն արգելեն խաղատուն։
Իսկ եթե նույնիսկ նրանց թույլ տան խաղատուն մտնել, նրանց հաշվին հարստանալ չի հաջողվի։ Այդ մարդկանց պարտված գումարը դատարանը կկարողանա չեղյալ հայտարարել տուժածի կամ նրա ընտանիքի անդամների պահանջով։
