Շաբաթվա մարդիկ. Փրկության դեղի ստեղծողն ու մնացած երազողները

Վալենտինա Կարլա Մերսեդես Գասսեր

Ուսանում է Ցյուրիխի տեխնիկական բարձրագույն դպրոցի մագիստրատուրայում, ապագա քիմիկոս է։

-Երբ փոքր էի, երևի մի 5 տարեկան, առաջին գործը, որի մասին երազում էի, մարդկանց բժշկող դեղորայքի ստեղծումն էր։

Հետո, մեծանալուն զուգընթաց, երազանքները փոխվել են, բայց ի վերջո վերադարձել է մանկության երազանքին ու սկսել է քիմիա ուսումնասիրել։ Ապագայում, ուսումը ավարտելուց հետո, հույս ունի զբաղվել քաղցկեղի բուժման խնդրի ուսումնասիրությամբ:

Սարգիս Մկրտչյան

Մասնագիտացած է տպագրական ոլորտում։ Այժմ ցանկություն ունի վերապատրաստվել Գերմանիայում։ 2005 թ-ից նորաձևության ոլորտում է, սկզբում՝ որպես մոդել, իսկ այժմ արդեն՝ որպես մենեջեր:

-Երբ փոքր էի, երազում էի օդաչու լինել։

Ապագայում ցանկանում է աշխատել «Վոգ» ամսագրի համար։

Մայքլ Հե

Արդեն 4-րդ տարին է, ինչ սովորում Հարվարդի համալսարանի էկոնոմիկայի ֆակուլտետում։ 2-3 տարի առաջ առաջին անգամ այցելել է Հայաստան ու հենց այստեղ սկսել է վիդեո-բլոգ վարել։ Հաջողությունն այնքան մեծ է եղել, որ Մայքլը որոշել է շարունակել։

-Երբ փոքր էի, ուղակի երազում էի մի այնպիսի բանով զբաղվել, ինչը թույլ կտա շատ ճանապարհորդել։

Ապագայում ցանկանում է ինչ որ մի բիզնես ստեղծել, որը կմիավորի ԱՄՆ-ն, Չինաստանն ու Հայաստանը։

Աննա Գրիգորյան

2013 թ-ին ավարտել է Խ․ Աբովյան անվան Հայկական Պետական մանակավարժական համալսարանի տարրական մանկավարժություն և մեթոդիկա ֆակուլտետը։ Շուրջ 3 տարի է, ինչ աշխատում է Իսակովի անվան թիվ 132 դպրոցում՝ տարրական դասարանների դասվար։

-Երբ փոքր էի, ցանկանում էի մանկաբույժ լինել։

Ապագայում ցանկանում է զբաղվել նույն գործով ու հեծանիվով ճամփորդել ողջ աշխարհով։

Արման Անտոնյան

Ավարտել է Հայաստանի ճարտարագիտական համալսարանի մեքենաշինական ֆակուլտետի «Տնտեսագիտություն և Կառավարում» բաժինը։ Այս պահին զբաղվում է առողջ ապրելակերպի տարածմամբ՝ հեծանվային մշակույթի զարգացմամբ։ 2012 թ-ին հիմնադրել է Սիրողական հեծանվասպորտի և հեծանվային զբոսաշրջության Ֆեդերացիան:

- Մանուկ հասակում, ինպես շատերը, երազում էի օդաչու դառնալ, հետո՝ բժիշկ, հետո՝ զինվորական, սակայն հասուն տարիքում կանգ առա բժշկի մասնագիտության վրա և անգամ ընդունելության առաջին տարին դիմել էի բժշկական համալսարան, սակայն կյանքը տարավ այլ ուղղությամբ։

Ապագայում ցանկանում է զբաղվել այն ամենով, ինչը օգուտ կտա մարդկանց ու իր երկրին:

Ռալֆ Շնայդեր

Շուրջ 37 տարի է, ինչ աշխատում է դեղագործական ոորտում՝ քիմիատեխնիկ է։

-Երբ փոքր էի, ցանկում էի դառնալ օդաչու, իսկ մի քիչ, որ մեծացա արդեն տիզերագնաց դառնալու մասին էի երազում։

Ապագայում՝ թոշակի անցնելուց հետո, ցանկանում է ավելի շատ ժամանակ հատկացնել իր հոբբիներին, շատ ճանապարհորդել ու տարվա մի որոշ ժամանակն, անպայման, Հայաստանում անցկացնել։

Սոնա Բալոյան

2012 թ-ին ավարտել ԵՊՀ պատմության ֆակուլտետի հայ արվեստի պատմության և տեսության ամբիոնը։ Շուրջ 5 տարի է, ինչ աշխատում է Մատենադարանի միջազգային կապի բաժնում։

-Երբ փոքր էի, ցանկանում էի մշակութային ոլորտը լուսաբանող լրագրող լինել ու հիմա ինչ որ չափով կոմպենսացնում եմ մանկության երազանքս։

Ապագայում ցանկանում է աշխատել Սմիթսոնյան ինստիտուտի թանգարաններից մեկում։