ԵՐԵՎԱՆ, 12 հունվարի — Sputnik. Ադրբեջանցի հայտնի երգչուհի Իլհամա Հասիմովան Նյու Յորքի նորաձևության շաբաթվա երաժշտական հյուրն է լինելու` դառնալով առաջին ադրբեջանցին, որն այդ միջոցառման ժամանակ ելույթ ունենալու հնարավորություն է ստացել, հայտնում է Sputnik Ադրբեջանը։
Իլհամա Գասիմովան հայտնի է դարձել «Նոր աստղ» երաժշտական նախագծին մասնակցելուց հետո։ Երգչուհին նախագծի հաղթող է ճանաչվել։
Փետրվարի 2-ից 17-ը կայանալիք ցուցադրության ժամանակ ներկայացվելու են առաջատար դիզայներների հավաքածուները, նաև բազմաթիվ արտասահմանյան կատարողներ են ելույթ ունենալու։ Գասիմովան կլինի առաջին ադրբեջանցին, որ ելույթ կունենա ամերիկյան նորաձևության շաբաթվա ընթացքում։
Գասիմովան արդեն մոտ մեկ տարի է` Նյու Յուրքում է բնակվում և վերադառնալու մտադրություն չունի ։
Երգչուհին տարիներ շարունակ աշխատել է երաժշտական ոլորտի արտասահմանյան մասնագետների հետ ու նույնիսկ Գերմանիայում տեսահոլովակ է ձայնագրել։
