ԵՐԵՎԱՆ, 10 հունվարի — Sputnik. Հայաստանի Հանրապետության 56 տարեկան քաղաքացին Սանկտ Պետերբուրգի պետական համալսարանի ուսանողուհու պայուսակը գողացել է սուշի-բարում։ Այս մասին հայտնում են ռուսական լրատվամիջոցները։
Դեպքը տեղի է ունեցել հունվարի 9-ին։ Մոտավորապես 16։50-ին սուշի-բար են մտել երկու տղամարդ և գողացել 19 տարեկան ուսանողուհու պայուսակը, որում մոտավորապես 28 հազար ռուբլի է եղել։
Գողերին չի հաջողվել թաքնվել. դեպքի վայրում նրանց բռնել են իրավապահ մարմնի աշխատակիցները։ Պարզվել է, որ կողոպտիչներից մեկը ՀՀ քաղաքացի է` ծնված 1962 թվականին, մյուսը երիտասարդ է` 1991 թ-ին ծնված։
Նրանց նկատմամբ քրեական գործ է հարուցվել, գողոնն առգրավվել է։
