Սարսափելի ավտովթարի տեսանյութը, որտեղ ավտոմեքենայի առջևի ապակուց երեխան դուրս է թռնում, հրապարակվել է ВКонтакте սոցցանցում։
Ինչպես հայտնում է ՌԻԱ Նովոստին, միջադեպը տեղի է ունեցել Չելյաբինսկի մարզի Պլաստ–Վարլամովո մայրուղու վրա։
Ականատեսների տվյալներով` Daewoo Matiz մակնիշի ավտոմեքենան դուրս է եկել հանդիպակաց երթևեկելի գոտի և բախվել ВАЗ-2115–ին։ Հարվածը եղել է Matiz–ի աջ կողմից, տղան դուրս է թռել մանկական նստարանից և կոտրել քիթը, նրա մայրը վնասվածքներ է ստացել։
Ինչպես հայտնում են, շտապօգնության ավտոմեքենան դեպքի վայր է հասել 7 րոպե անց։ Այդ ընթացքում այլ վարորդներ երեխային անհրաժեշտ առաջին բուժօգնություն են ցուցաբերել և հավաքել թափթփված իրերը։
