ԵՐԵՎԱՆ, 3 հունվարի — Sputnik. Հունահռոմեական ոճի ըմբիշ Միհրան Հարությունյանը Instagram-ում տեսանյութ է հրապարակել և ցույց տվել հաջողության բանաձևը։
«Հաջողության հասնելու համար պետք է ամեն օր աշխատել։ Այսօրվա գործը մի թողեք վաղվան, հիմա արեք դա», — տեսանյութին կից գրել է Հարությունյանը։
Տեսանյութը 12 ժամում ավելի քան 24 հազար «լայք» է հավաքել, իսկ Հարությունյանի կինը՝ Մակտինա Բեբիա-Հարությունյանը, մեկնաբանություններում կարճ գրել է՝ «իմ կյանք»։
Հունահռոմեական ոճի հայ ըմբիշ, Ռիոյի օլիմպիադայի արծաթե մեդալակիր Միհրան Հարությունյանը հիրավի ժողովրդական չեմպիոն դարձավ, երբ Ռիոյի օլիմպիադայում անարդար մրցավարության պատճառով զրկվեց ոսկե մեդալից։ Նշենք, որ այդ ժամանակ Միհրանը ելույթ էր ունենում ուսի վնասվածքով։
