ԵՐԵՎԱՆ, 1 հունվարի — Sputnik. Օրեր առաջ անհայտ անձը կամ անձինք Լոռու մարզի Գյուլագարակ գյուղի տարածքում 60-80 տարեկան ավելի քան 200 հաստաբուն ծառերի սպանդ են իրականացրել:
Ինչպես հայտնում է shamshyan.com-ը, վանդալիզմ իրականացնողներն իրենց սև գործն անելուց հետո կարմիր ներկով թվեր են գրել ծառերի կոճղերին:
Թե ով կամ ովքեր են բնության նկատմամբ անմարդկային վերաբերմունք ցուցաբերողները, դեռ պարզ չէ։
Տեղի բնակիչները, որոնք չեն ցանկացել իրենց անունները նշել, դժգոհել են, որ մարզպետը մինչև հիմա չի արձագանքել վանդալիզմի այս դեպքին։
