ԵՐԵՎԱՆ, 30 դեկտեմբերի — Sputnik. Ռուսաստանի դեսպանատան աշխատակիցները, Գիտության և մշակույթի ռուսական կենտրոնի և Պլեխանովի անվան ռուսական տնտեսագիտական համալսարանի երևանյան մասնաճյուղի ուսանողներն այցելել են Գավառի մանկատուն:
2018 թվականի նախաշեմին` դեկտեմբերի 29-ին, կամավորներն ուղևորվել են Գեղարքունիքի մարզ` Նոր տարվա նվերները մանկատան սաներին հանձնելու համար:
![Հայաստանում Ռուսաստանի դեսպանատան աշխատակիցները Գավառի մանկատուն են այցելել Հայաստանում Ռուսաստանի դեսպանատան աշխատակիցները Գավառի մանկատուն են այցելել - Sputnik Արմենիա](https://cdn.am.sputniknews.ru/img/1000/52/10005212_0:77:2047:1365_600x0_80_0_0_ad6976b7da40b397a8a8fcdbc329e657.jpg)
![Հայաստանում Ռուսաստանի դեսպանատան աշխատակիցները Գավառի մանկատուն են այցելել Հայաստանում Ռուսաստանի դեսպանատան աշխատակիցները Գավառի մանկատուն են այցելել - Sputnik Արմենիա](https://cdn.am.sputniknews.ru/img/1000/53/10005303_0:38:2048:1326_600x0_80_0_0_83fba715e9262b13f595032f7febfcac.jpg)
Դիվանագետներն ու ուսանողները շնորհավորել են մանկատան աշխատակիցների գալիք Նոր տարին ու Սուրբ ծնունդը և նրանց մաղթել առողջություն, երջանկություն, բարեկեցություն և խաղաղ երկինք:
Երեխաներն իրենց հերթին հյուրերին ցույց են տվել Նոր տարվա և սուրբծննդյան տոների համար իրենց ձեռքերով պատրաստած անակնկալները:
Հաստատության ղեկավարությունը ցուցաբերած ուշադրության համար շնորհակալություն է հայտնել Ռուսաստանի դիվանագիտական կորպուսին և բոլոր կամավորներին: