Տեր Եսայի քահանա Արթենյան
Արարողությունը կմեկնարկի դեկտեմբերի 31-ին` ժամը 23։30-ին։
«Դեկտեմբերի 31-ին կատարվում է հսկման կարգ` գոհաբանական աղոթք, երբ մենք աղոթք ենք բարձրացնում մեր հանրապետության, մեր ժողովրդի բարօրության, պահպանության և զորացման համար։ Այնուհետև Ամենայն Հայոց Հայրապետի տնօրինությամբ և օրհնությամբ կկատարվի օրհնության կարգ, որն արդեն մի քանի տարի է` կատարվում է հայաստանյան եկեղեցիներում։ Օրհնված նուռը կբաշխվի հավատացյալներին»,- ասաց Տեր Եսային` հավելելով, որ հունվարի 1-ի առավոտյան եկեղեցիներում կմատուցվի պատարագ, որով եկեղեցին կեզրափակի Ամանորին նվիրված արարողությունները։
Այս կարգով արդեն շուրջ 20 տարի է, ինչ Հայ առաքելական եկեղեցին նշում է Ամանորը։ Տարեցտարի Նոր տարին եկեղեցում դիմավորող հավատացյալների թիվն ավելանում է։
