ԵՐԵՎԱՆ, 28 դեկտեմբերի — Sputnik. Հունահռոմեական ոճի հայ ըմբիշ Միհրան Հարությունյանը Instagram-ի իր բաժանորդագիրներին ցույց է տվել «հայկական ուժը»։
Armenian Power անվանումով տեսանյութում երևում է, թե ինչպես է Հարությունյանը հայկական երաժշտության տակ ափ հասցնում մեծ մոտորանավը։ Մեկնաբանություններում օգտատերերն արդեն հասցրել են «Գլադիատոր», «Գազան» անուններով մկրտել հայ ըմբիշին։ Տեսանյութը մեկ օրում հավաքել է ավելի քան 50 հազար «լայք»։
Հունա–հռոմեական ոճի հայ ըմբիշ, Ռիոյի օլիմպիադայի արծաթե մեդալակիր Միհրան Հարությունյանը հիրավի ժողովրդական չեմպիոն դարձավ, երբ Ռիոյի օլիմպիադայում անարդար մրցավարության պատճառով զրկվեց ոսկե մեդալից։ Նշենք, որ այդ ժամանակ Միհրանը ելույթ էր ունենում ուսի վնասվածքով։
