Մեխակ Ապրեսյան
2017թ-ի առաջին 9 ամիսների ընթացքում Հայաստան այցելող զբոսաշրջիկների թիվն աճել է 21%-ով` հասնելով 1172 406-ի։ Այս մասին Զբոսաշրջության պետական կոմիտեի նախագահի առաջին տեղակալ Մեխակ Ապրեսյանն ասաց Sputnik Արմենիային։
Ներքին զբոսաշրջությունն աճել է 9%-ով։
«Կանխատեսում ենք և համոզված ենք, որ տարին կամփոփենք առնվազն 20% ներգնա տուրիզմի աճով և կհատենք 1.5 մլն-ի սահմանագիծը»,- ասում է նա։
2017-ին ձեռք բերված հաջողությունները զբոսաշրջության ոլորտի պատասխանատուները մտադիր են զարգացնել նաև առաջիկա տարիներին և 5 տարի հետո Հայաստան այցելող զբոսաշրջիկների թիվը հասցնել տարեկան 3 մլն-ի։
