ԵՐԵՎԱՆ, 28 դեկտեմբերի — Sputnik. Իտալիայի նախագահ Սերջո Մատարելան հինգշաբթի արձակել է ազգային խորհրդարանը, հաղորդում է ՌԻԱ Նովոստին` ներկայացնելով նախագահի աշխատակազմի հայտարարությունը։
Դրանից առաջ, իտալական սահմանադրության համաձայն, պետության նախագահն ընդունել է երկրի վարչապետ Պաոլո Ջենտիլոնիին և օրենսդրական մարմնի երկու պալատի խոսնակներին։
Օրենսդրական մարմնի լիազորությունների ժամկետի ավարտի կապակցությամբ Ապենիններում խորհրդարանն արձակելուց հետո պետք է կայանա խորհրդարանական հերթական ընտրությունը, որի անցկացման օրը կորոշվի նախարարների խորհրդի նիստում։
