ԵՐԵՎԱՆ, 28 դեկտեմբերի — Sputnik. Հայաստանի ազգային հավաքականի և «Մանչեսթեր Յունայթեդի» կիսապաշտպան Հենրիխ Մխիթարյանի քույրը` Մոնիկա Մխիթարյանը, ակտիվացրել է ֆուտբոլիստի` «Բորուսիա» տեղափոխվելու մասին խոսակցությունները։
ՄՅՈՒ-ից Մխիթարյանի հնարավոր տեղափոխության համատեքստում Դորտմունդի «Բորուսիայի» երկրպագուները պարբերաբար կոչ են անում հայ ֆուտբոլիստին վերադառնալ գերմանական ակումբ:
Մխիթարյանի քույրն Instagram-ում հրապարակել է երկրպագուների մեկնաբանությունների լուսանկարները։
Մոնիկա Մխիթարյանի գրառումը
© Sputnik / Andranik Ghazaryan
«Հազարավոր դեղին սրտեր Հենրիխ Մխիթարյանի ինստագրամյան էջում»,- գրել է նա։
Մոնիկան ավելի ուշ հեռացրել է իր գրառումը:
Մխիթարյանը Դորտմունդի «Բորուսիայից» «Մանչեսթեր Յունայթեդ» է տեղափոխվել 2016 թվականի հուլիսին։
