ԵՐԵՎԱՆ, 28 դեկտեմբերի — Sputnik. Հայտնի շոումեն, հումորիստ, Comedy Club-ի համահիմնադիր Գարիկ Մարտիրոսյանը հումորային տեսանյութ է հրապարակել Instagram սոցիալական ցանցում` «Մենք Խարլամովի հետ standby ռեժիմում» անվանումով։
Մարտիրոսյանը և Գարիկ «Բուլդոգ» Խարլամովը պատմում են օգտատերերին, թե ինչպես պետք է խնայել էներգիան։
«Շատ բովանդակալից տեսանյութ։ Ուղղակի նկարահանումից առաջ մենք standby ռեժիմում էներգիա ենք տնտեսում», — ասել է Մարտիրոսյանը։
Օգտատերերից ոմանք համարել են, որ Գարիկների «քեֆը լավ» է, մյուսները գովել են, որ «կարողացել են ուրախացնել այդքան կարճ ժամանակում»։
Պետք է նշել, որ գրեթե բոլոր օգտատերերը հիասթափվել են Գարիկների արտաքին տեսքից, նրանց կարծիքով հումորիստները խիստ գիրացել են, իսկ Խարլամովին ընդհանրապես համեմատել են դոնդողի հետ։
Երկուսին էլ խորհուրդ են տվել նիհարել։
«Գարիկը պելմենի է, իսկ Խարլամովը շուտով կպայթի», — գրել է օգտատերերից մեկը։
«Comedy Club» ռուսական հումորային հեռուստատեսային շոուն եթեր է հեռարձակվում 2005թ-ի ապրիլի 23-ից ՏՆՏ ալիքով։
