ԵՐԵՎԱՆ, 28 դեկտեմբերի— Sputnik. Շվեյցարիայում շաուրմա են ուղարկել տիեզերք. այս կերպ տեղական AYVERDI'S սրճարանը նշել է իրենց բիզնեսի ընդլայնումը, հայտնում է Caters լրատվական գործակալությունը։
Ուտեստը ամրացրել են օդերևութաբանական զոնդին, սարքավորման վրա տեսախցիկ են ամրացրել ու մերձերկրյա ուղեծիր ուղարկել։ Շաուրման բարձրացել է 124 000 ֆուտ (37,7 հազար մետր) բարձրության վրա, սառեցվել է, որից հետո երկիր է վերադարձել ու ընկել ծառի վրա։
Նշենք, որ մինչ օրս միայն մեկ շվեյցարացի տիեզերագնաց է եղել տիեզերքում` ֆիզիկոս, օդաչու, Եվրոպական տիեզերական գործակալության տիեզերագնաց Կլոդ Նիկոլյենը։ Նա 73 տարեկան է։
