ԵՐԵՎԱՆ, 28 դեկտեմբերի — Sputnik. ՀՀ կառավարությունն այսօրվա նիստում հավանության է արժանացրել հանրապետության Քրեական օրենսգրքի փոփոխությունները. դրանք քրեական պատասխանատվություն են նախատեսում քարոզչությանը ստիպողաբար մասնակցելու համար, հայտնում է Sputnik Արմենիայի թղթակիցը։
Ինչպես հայտնեց արդարադատության նախարար Դավիթ Հարությունյանը, նման խախտում կատարելու համար նախատեսված է տուգանք` 700 հազարից մինչև 1 մլն դրամի չափով կամ 6 ամսից 1 տարի ժամկետով ազատազրկում։ Բացի այդ, առաջարկվում է արգելել օրինախախտներին մի շարք պաշտոններ զբաղեցնել. արգելքը կգործի 1-3 տարի ժամկետով։
Այն դեպքում, երբ մարդուն ստիպել են քարոզչությանը մասնակցել ծանրացնող հանգամանքներով (աշխատանքային դիրքի չարաշահում, բռնության սպառնալիք), առաջարկվում է պատժել 3-5 տարի ազատազրկմամբ` նույն արգելքով։
Բացի այդ, ընտրակաշառք առաջարկող միջնորդներին առաջարկվում է պատժել` սահմանելով տուգանք 500-700 հազար դրամի չափով կամ ազատազրկում` 1-3 տարով։ Պաշտոնատար անձանց դեպքում տուգանքի տարբերակը չի գործում. միայն ազատազրկում 2-5 տարով։
Նշենք, որ մարդուն ստիպել մասնակցել քվեարկությանն արդեն հետապնդվում է քրեորեն, դրա համար նախատեսվում է 2-2.5 մլն դրամ տուգանք կամ ազատազրկում 3-5 տարի ժամկետով։
