ԵՐԵՎԱՆ, 27 դեկտեմբերի — Sputnik. Ստեփանծմինդա-Լարս ավտոճանապարհն այս պահի դրությամբ բաց է բոլոր տեսակի տրանսպորտային միջոցների համար: Այս մասին հայտնում է ՀՀ արտակարգ իրավիճակների նախարարությունը` հղում անելով Վրաստանի ՆԳՆ ԱԻ դեպարտամենտին։
ՌԴ ԱԻՆ Հյուսիսային Օսեթիայի ճգնաժամային կառավարման կենտրոնից ստացված տեղեկատվության համաձայն` ռուսական կողմում կա կուտակված 385 բեռնատար:
Դեկտեմբերի 27-ին, ժամը 10:00-ի դրությամբ ՀՀ տարածքում որոշ ավտոճանապարհներին տեղ-տեղ առկա է մերկասառույց: Տեղեկացնում է ՀՀ արտակարգ իրավիճակների նախարարությունը։
Մերկասառույց կա մասնավորապես Սոթք-Քարվաճառ ավտոճանապարհին և Վարդենյաց լեռնանցքում։ ԱԻՆ-ը հորդորում է բոլոր վարորդներին մարզեր երթևեկել բացառապես ձմեռային անվադողերով։
ԱԻՆ-ը հիշեցնում է, որ դեկտեմբերի 26-31-ը սպասվում է առանց տեղումների եղանակ:
