ԵՐԵՎԱՆ, 27 դեկտեմբերի — Sputnik. Հայ պաշտոնյաների և հատկապես ՀՀԿ-ական պատգամավորների զգալի մասը Նոր տարվա հանգստի ավանդական ուղու վրա է: Այս տարի ևս նրանցից շատերը տոները նշելու համար արդեն մեկնել են Գլենդել, որի Ամերիկանա կոչվող հատվածում նախապես բնակարաններ են վարձակալել: Այս մասին գրում է «Ժամանակ» օրաթերթը։
«Դրանց նվազագույն արժեքը 2 հազար դոլար է, իսկ ավելի շքեղներինը՝ մի քանի անգամ ավելի թանկ: Այդ կերպ նրանք փորձում են իրենց գլուխը գոնե երկու-երեք շաբաթով ազատել հայաստանյան գաղջ մթնոլորտից, որի հեղինակային իրավունքը ևս իրենցն է»,- նշված է հոդվածում։
Ըստ թերթի` կարևոր է նաև, որ այդ մարդիկ Հայաստանում գտնվելիս խոսում են միջոցների խնայողության, գումարների արտահոսքը կանխելու և դրանք Հայաստանի տնտե¬սության մեջ ներդնելու անհրաժեշտության մասին, իսկ իրենք իրենց ընտանիքների հետ 2-3 շաբաթում տասնյակ հազարա¬վոր դոլարներ են ծախսում ավիատոմսերի, տների ու մեքենա¬ների վարձակալության, շոփինգի և նման մանր-մունր այլ բաների վրա:
