ԵՐԵՎԱՆ, 26 դեկտեմբերի — Sputnik. «Աջ ղեկ» նախաձեռնության վարորդներին ընդունել են Հայաստանի տրանսպորտի նախարարության ներկայացուցիչները։
Վարորդները խնդրել են «աջը աջ» պահել և չեղյալ հայտարարել նման մեքենաների գրանցման ու ներկրման ժամանակավոր արգելքի մասին որոշումների նախագիծը։
Ինչպես ասաց Sputnik Արմենիային «Աջ ղեկ» նախաձեռնության անդամ Արտաշես Արտենյանը, վարորդները նախկինի պես կարծում են, որ իրենց մեքենաները սովորական ավտոմեքենաներից վտանգավոր չեն։
«Իշխանությունները հակառակն են պնդում, բայց ճանապարհային ոստիկանության վիճակագրություն մինչև հիմա չեն ներկայացրել։ Մենք մեր աշխատանքից ժամանակ ենք խլում և ատյանից ատյան անցնում։ Մենք կշարունակենք գնալ որքան պահանջվում է։ Իսկ եթե հարկ լինի, մեզ ավելի շատ մարդիկ կմիանան», — նշեց նա։
Մի շարք հավասար պայմաններից բացի, աջ ղեկով մեքենաները, որպես կանոն, ավելի էժան են։ Ուստի շատերի համար դա նոր ավտոմեքենա գնելու միակ հնարավորությունն է, ավելացրեց Արտաշեսը։
Աջ ղեկով մեքենաներն արգելելու մասին կառավարությունը առաջարկը քննարկվում է արդեն մի քանի ամիս։
