ԵՐԵՎԱՆ, 26 դեկտեմբերի — Sputnik. Վրաստանի անվտանգության պետական ծառայությունը հրապարակել է, որ Ահմեդ Չատաևը և նրա հանցակիցները մտադիր էին Վրաստանում և Թուրքիայում ահաբեկչական հարձակումներ իրականացնել։ Այդ մասին գրում է Sputnik Գրուզիան։
Գործի նոր մանրամասները ցույց տվեցին, որ Թբիլիսիի հակաահաբեկչական գործողությունները կանխեցին դիվանագիտական առաքելությունների դեմ սպասվող հարձակումները։
«Վանական Գաբրիել Սալոսի փողոցում հատուկ գործողությունների ընթացքում առգրավված համակարգչից, որը պատկանում էր Ահմեդ Չատաևին, ինչպես նաև տարբեր տեխնիկական սարքերից աուդիոձայնագրություններ են ստացվել։ Ձայնագրությունների համաձայն` Ահմեդ Չատաևը և նրա հանցակիցները մտադիր էին ահաբեկչություններ իրականացնել Վրաստանում և Թուրքիայում։ Նրանց թիրախը դիվանագիտական առաքելություններն էին», – հայտնել է ԱՊԾ վարչակազմի ղեկավարի տեղակալ Նինո Գիորգոբիանին։
Չատաևը ողջ չէ։ Նա պայթեցրել է իրեն Թբիլիսիում իրականացրած լայնածավալ ահաբեկչական գործողությունների ընթացքում, Վանական Գաբրիել Սալոսի փողոցում։ Եվս երկուսի վերացրել են իրավապահները, իսկ Ռուսաստանի քաղաքացի Սաիդ Դուդաևին` ձերբակալել են։
Հատուկ գործողությունները տևել են մեկ օր` նոյեմբերի 21-22–ը։
