ԵՐԵՎԱՆ, 25 դեկտեմբերի — Sputnik. Այսօր Մոսկվայում տեղի ունեցած ՃՏՊ–ից մահացածների թվում Հայաստանի քաղաքացիներ չկան, հայտնում է Ռուսաստանի Դաշնությունում ՀՀ դեսպանատան մամուլի ծառայությունը։
«Ռուսաստանի իրավապահ մարմինների հաղորդած նախնական տեղեկությունների համաձայն` Մոսկվայի արևմուտքում ավտոբուսի վթարի հետևանքով տուժածների թվում Հայաստանի քաղաքացիներ չկան», – ասվում է հաղորդագրության մեջ։
Հիշեցնենք` այսօր Մոսկվայում ավտոբուսը մտել է մետրոյի «Սլավյանսկի բուլվար» կայարանի ստորգետնյա անցում, ինչի հետևանքով կան զոհեր և տուժածներ։
Վերջին տվյալներով` պատահարի հետևանքով 4 մարդ զոհվել է, ևս 15-ը վնասվածքներ են ստացել։
