ԵՐԵՎԱՆ, 25 դեկտեմբերի — Sputnik. 30 տարվա աշխատանքային փորձով վարորդը չի կարողացել տիրապետել մեքենային և մտել է ստորգետնյա անցում։ Այս մասին հաղորդում է Mash ալիքը։
Ավտոբուսի վարորդը` Վիկտոր Տիխոնովը, ևս լուրջ վնասվածքներ է ստացել։ Աղբյուրի տվյալով` այս պահին բժիշկներն զննում են նրան, քննիչները մեկ անգամ արդեն հարցաքննել են։
Տիխոնովի որդու և կնոջ հավաստմամբ` նա երբեք գործի ժամանակ չէր խմում, այսօր ունեցել է լավ տրամադրություն։ Այս պահին Տիխոնովը ձերբակալված է։
Վարորդի խոսքով` վթարը տեղի է ունեցել ավտոբուսի անսարքության պատճառով։
«Ես ամեն բան անում էի, որ կանգնեցնեի ավտոբուսը, բայց արգելակներն ինձ չէին ենթարկվում»,–ասել է վարորդը։
Դեպքի վայր է ժամանալ Մոսկվայի քաղաքապետ Սերգեյ Սոբյանինը։
Ինչպես արդեն տեղեկացրել էինք` այսօր ավտոբուսը մտել է Մոսկվայի մետրոյի «Սլավյանսկի բուլվար» կայարանի ստորգետնյա անցում, ինչի հետևանքով կան զոհեր և տուժածներ։
