ԵՐԵՎԱՆ, 25 դեկտեմբերի — Sputnik. Ռուսաստանում Հայաստանի դեսպանատունը պարզաբանում է Մոսկվայի ստորգետնյա անցումներից մեկում հետիոտների վրա ավտոբուսի վրաերթի հետևանքով տուժածների շարքում Հայաստանի քաղաքացիների առկայության մասին տվյալները։
Դեսպանատան մամուլի ծառայությունը համապատասխան գրություն է թողել Twitter–ում իր միկրոբլոգում։
«Ռուսաստանում Հայաստանի դեսպանատունը ճշտում է Մոսկվայի «Սլավյանսկի բուլվար» մետրոյի ստորգետնյա անցում մտած ավտոբուսի վթարում տուժածների և մահացածների շարքում Հայաստանի քաղաքացիների առկայության մասին տեղեկատվությունը», – ասվում է հաղորդագրությունում։
Ինչպես հաղորդվել էինք, դեկտեմբերի 25–ին ավտոբուսը մտել է Մոսկվայի մետրոյի «Սլավյանսկի բուլվար» կայարանի ստորգետնյա անցում, ինչի հետևանքով կան զոհեր և տուժածներ։ Տարբեր տվյալներով` մահացել է 4-5 մարդ, շուրջ 15 հոգի վնասվածքներ է ստացել։
Ավտոբուսի վարորդը եղել է 30-ամյա ստաժոր Վիկտոր Տիխոնովը։
Մոսկվայի քաղաքապետ Սերգեյ Սոբյանինը ժամանել է դեպքի վայր։
Այս պահին մահացածների նախնական ցուցակը.
Արտյոմ Կարպով` 27տ,
Երաժշտական դպրոցի աշակերտուհի` 17տ։
Տուժածների նախնական ցուցակն այս պահին.
Լիսենկո Աննո` 46 տ,
Կուզինովա Անաստասիա` 16 տ,
Ուդալովա Լյուդմիլա` 57 տ,
Դրոնովա Ալյոնա` 27 տ,
Բաբիչ Լյուդմիլա` 54 տ,
Տիտովա Նատալյա` 54տ։
