ԵՐԵՎԱՆ, 23 դեկտեմբերի — Sputnik. «Ты супер! Танцы» մրցույթի եզրափակիչ փուլը, որին հանդիսատեսը և մասնակիցները սպասել են մի քանի ամիս, կկայանա դեկտեմբերի 23-ին։ Հաղթողները հայտարարված են, մրցանակները՝ հանձնված, իսկ երեխաները պատրաստ են մուտք գործել իրենց նոր ուշագրավ կյանք։ Եվ այդ ամենը տարվա գլխավոր տոնից՝ Ամանորից ութ օր առաջ։
Նոր տարին յուրահատուկ շրջան է, հրաշքների և խոստովանությունների, երկար սպասված տոների և ցանկությունների կատարման ժամանակ, բայց ամենագլխավորը՝ նորի ժամանակ։ Նոր մեկնարկների, նոր տպավորությունների, նոր հնարավորությունների և հաղթանակների։ Հենց այդ պատճառով Sputnik միջազգային լրատվական գործակալությունը և ռադիոն «Ты супер! Танцы» նախագծի մասնակիցներին այդ կախարդական նախատոնական շաբաթը Պետերբուրգում անցկացնելու հնարավորություն է նվիրել։ Եզրափակիչ մրցույթի ժամանակ մասնակիցներին նվերը կհանձնի գործակալության գլխավոր տնօրեն Մարգարիտա Սիմոնյանը։
Ռուսաստանի հյուսիսային մայրաքաղաքը երեխաներին անմոռանալի տպավորություններ կպարգևի՝ ոչ ոքի անտարբեր չթողնելով։ Փողոցներում արդեն տոնական տրամադրություն է, օդում կախված է հրաշքը, բնակիչները նախատոնական իրարանցման մեջ են։ Այդ ընթացքում մասնակիցները հերթով ժամանում են Սանկտ Պետերբուրգ՝ ուրախանալով միմյանց հանդիպելու համար, չէ՞ որ շատերը մի քանի շաբաթ չեն տեսելիրար։ Նրանց սպասում են բոցավառ պարերը, հաճելի անակնկալները և անսպասելի հանդիպումները։
