ԵՐԵՎԱՆ, 23 դեկտեմբերի — Sputnik. «Ազիմուտ» ավիաընկերությունը մտադիր է 2018 թվականին չվերթեր իրականացնել ԵԱՏՄ երկրներ, այդ թվում` Հայաստան: ՌԻԱ Նովոստին հայտնում է, որ այս մասին լրագրողներին է ասել ընկերության ռազմավարական զարգացման գծով տնօրեն Դմիտրի Զվոնարևը:
«Մենք հիմա զգուշավորությամբ ենք խոսում, բայց արդեն սկսել ենք նաև միջազգային չվերթերի նախապատրաստական աշխատանքները։ Չվերթերը ծրագրում ենք իրականացնել 2018 թվականին»,- ասել է նա։
2017 թվականի սեպտեմբերին ավիաընկերության տնօրենների խորհրդի նախագահ Պավել Ուդոդն առաջարկել էր լրացնել Դաշնության օդային օրենսգիրքը՝ ԵԱՏՄ երկներ թռիչքներ իրականացնելու թույլատվության նպատակով:
