ԵՐԵՎԱՆ, 23 դեկտեմբերի — Sputnik. Բաղրամյան պողոտայից ոստիկանություն են հրավիրվել 21 և 23 տարեկան երիտասարդներ «Օպել» մակնիշի մեքենայով:Նրանք ավտոմեքենայի բեռնախցիկից ներկայացրել են 67 շիշ հայտնի ապրանքանիշի կոնյակ: Այս մասին հայտնում է ՀՀ ոստիկանության մամուլի ծառայությունից։
Երիտասարդները հայտարարել են, որ տուփերով խմիչքը ձեռք են բերել Երևանի բնակիչ Ա. Մ.-ից: Վճարել են ընդհանուր 170.000 դրամ:
Նյութերի նախապատրաստման ընթացքում պարզվել է, որ Ա. Մ-ն Երևանի Ռուսթավելի փողոցի իր տանը ալկոհոլային կեղծ խմիչք իրացնելու նպատակով 5 աստղանի շշերի մեջ լցրել է դրա շուկայական գնից անհամեմատ էժան ձեռք բերված այլ տեսակի պատրաստի կոնյակ: Դրանց վրա փակցրել կեղծ ակցիզային դրոշմանիշեր, հսկիչ նշաններ և 67 շիշ կոնյակը 170 հազար դրամով իրացրել Ա. Ղ.-ին և Ա. Գ.-ին:
Կատարվում է քննություն:
